تتحسن بشكل سريع وملحوظ
10% (8 أصوات)
تتحسن بشكل بطيء
35% (27 صوتا)
على حالها لا تتحسن ولا تسوء
23% (18 صوتا)
تتراجع ولكن ببطء
12% (9 أصوات)
تتراجع بشكل سريع
21% (16 صوتا)
عدد الأصوات: 78
ما رأيك بواقع الجامعة الافتراضية؟
- ادخل أو سجل لتعلق
- نسخة للطباعة
- قرأت 835 مرة
تتراجع والحق يقال
بس ما منعرف ازا كان السبب ادارة الجامعة, او بعض الاساتذة
انا برأيي 18 ساعة للمادة ما بيكفي, الاساتذة دوبها عم تلحق وعم تعطي بسرعة , ولحق ازا بتلحق يا طالب
حتى في طلاب عم تروح تعمل دورات خارجية بس منشان تقدر تتابع مع الدكاترة
الجامعة: قدّم اعتراض
, طنش تعش فتنتعش
الاستاذ: بعات ايميل
, طنش تعش فتنتعش
و مو مسؤوليتي
بالتوفيق للجميع
تحياتي
التحسن أكيد موجود بس مو بشكل كبير بس ما منحسن نقول ما في تحسن ...
أكيد في بعض السلبيات بالجامعه بس الأيجابيات أكثر منها بكثير بس المشكله أنه نحنا كشعب سوري منحب نعترض خصوصا أذا كان الشي جديد
انا برأيي 18 ساعة للمادة ما بيكفي, الاساتذة دوبها عم تلحق وعم تعطي بسرعة , ولحق ازا بتلحق يا طالب
هالشي خبروك يا وقت دخلت عالجامعه قالولك أنه 75 % من الدراسه عليك
حتى في طلاب عم تروح تعمل دورات خارجية بس منشان تقدر تتابع مع الدكاترة
كل الجامعات هيك مو بس الأفتراضيه
الجامعة: قدّم اعتراض Evil , طنش تعش فتنتعش
الاستاذ: بعات ايميل Cool , طنش تعش فتنتعش
شلون بدنا نتميز عن بقيه الشعوب هالصفه موجوده من أصغر سوري لأكبر واحد
وبحب قول أنه أول دفعه لل ISE كانت بال 2005 يعني لسا الطريق بأوله قدام الجامعه !!
يوجد تقصيرات كثيرة بشكل عام , لن ادخل الآن في مشاكل الجامعة
ولكن بحمد ربي اني سجلت بالافتراضية , بتضل احسن من اي جامعة سورية اخرى برأيي
انا وقت حكيت انو عم تتراجع, قصدي من قبل, الجامعة مقبولة ماعندي اعتراض. بس بالنسبة لوقت بلّشت, اي فرق بين السما والارض
من 3 سنين كنا نعشق شي اسمو معاملة اساتذة او اداريين. اي شو دلال وشو رضا , بس هلأ روحو بلطو البحر
او يلا قدمو اعتراض
الجامعة بلشت تتراجع
والموقع زاد الضغط عليه
للسبب الرايسي انو موقع الطلاب هاد عمل شي من التوازن مع الجامعة يعني من اعتراضات لاستبيانات
وهيك شغلات كنا عم نتعلما بالتاكيد بالجامعة بس الظاهر انو علمونا ياها مو مشان نطبقها عليهن
والسبب الرئيسي للتراجع برأيي
انو هوي مقصود للتربية
لتربايتنا انو بحياتنا معد نعترض
او نكتب بمواقع تانية متل السيريا نيوز
او متل ما لاحظتو نشحنا عرض الجامعة
بالتاكيد وصلت الرسالة بس هني ختارو هاد الاسلوب بالرد
رد الجامعة الأ فتراضية : انو بلــــــــــــــــــــــــــــــــطو البحر مرح نرد
لا اعتراض لا جريدة لا دعاوي
انتو حقكم يا طلاب الجامعة الافتراضية نص فرنك
وعملو يلي بدكم ياه مرح تاثرو ع قراراتنا
والفكرة الاساسية المزعوج منها انو مناهجنا رائعة بس ما بتتطبق بهل البلد تعلمو عنا وشتغلو برا
مندرس ومنتغرب هادا الي بدها ياه الجامعة الحكومية الموقرة الي تدعى بالافتراضية
شكرا الكم وجزيلا طبعا
طول بالك اخي sirius مولهل الدرجة, رح نتقلّع برات الجامعة
شغلتين يللي تغيرو والمفروض يتصلحو بس.
كلمة الطالب ترجع تتاخد بعين الاعتبار متل الاول
اكيد مو كل واحد لحالو, طبعا في حال كان الاعتراض من قبل مجموعة طلاب
الاساتذة تروء علينا شوي, لانو المناهج كبيرة وعم تنعطى ب18 ساعة بس, فالدكاترة عم يصيرو بس بدون يلحقو
وهيك ما منلحق نحنا نعطي المادة حقها, المفروض انو نطلع من المادة عم نشتغل فيها, بس دوبنا عم نلحق ورا الاستاذ
القصد انو مافي مجال الواحد يشتغل اي شي برات المنهاج, يعني احفظ وانجح, مافي شي اسمو اشتغل
الفصل انضغط كتير, وهلأ عم تصير دراسة لفكرة ينعطى خلال السنة (3) فصول.
انشالله ما تظبط لانو هيك ومو خلصانين
الجامعة الافتراضية جامعة مميزة وعم تتطور اكتر واكتر وانا بصراحة حبتها بس الدراسة طبعا على الطالب 90 ب لميى براييي بعدين الجامعة ما بتعليمك شي بتعليمك بس التفكير المنهجي وكيف تحل مشكلة والباقي عليك ب العمليknight
انا متأكد 100% انو لو صحلك تسجل بجامعة دمشق ما بتقرب عالجامعة الافتراضية هي أولاً
كلامك سليم 100 % وبكل المشاكل الي صارت بالجامعة والي ممكن تصير بالمستقبل الحق عالطالب من فوووووووووق لتحت ماعم احكي مزح ولا مسخرة
عم احكي واقع
اتذكر اي مشكلة صارت معك يا طالب وفكر فيها بموضوعية وشوف انت كيف عاملت الجامعة وكيف الجامعة عاملتك وبتلاقي انو الجامعة عطتك اكتر من حقك
أما بالنسبة للفكرة الاساسية والي هي هل الجامعة عم تطور أو لا
انا برأيي اي نعم عم تطور الجامعة بس مو بالوتيرة المرضية
يعني بشكل بطيء شوي
سلام
الجامعة الإفتراضية هي هي هييييه
الإنترنت هو هو ههوووه
ومتل ماقال الإستاذ sirius عم ندس هون من شان نشتغل برا
ومارح اقدر فش خلقي غير بغنية رح أهديكم ياها
شوفو ياطلاب الأفتراضية الحكاية من البداية للنهاية
مايفدكم لا أقلامكم ما تفيدكم البراية ماتفيدكم الدراسة
الدكاترة بصفة عامة بإستغناء الطيب فيهم يلتئمو باالطلاب ويبكو في أهاليهم
لو تسأل أي سؤال على بالهم انك تشحد
يقولو المرجع عندك أئعد أدور أئعد انحت
الدكتو ديماً صح والطالب رايح فيها لو عندو الطالب كح المادة يرسب فيها
الدكتو ديماً صح والطالب رايح فيها لو عندو الطالب كح المادة يرسب فيها
وشكرا
باي
virus
عم تحكي جواهر عمي virusxx
كلامك مسبوط ب الجامعة الدراسةوبرا الشغل بس انا برايي في شغل بسوريا وراح نلاقي نحن كلتنا اكيد انشا الله بس مو احسن من برا اكيد
knight
مرحباً جميعاً
...
...
!!!
...
...
...
من جهة الجامعة عم تتطور ...
أكيييد عم تتطور و تطور مذهل كماان
يعني أنا بعدني بالسنة الأولى وقدمت فصل و هلأ عم قدم الفصل التاني ..
بالفصل الاول اللي أنا بسميه فصل المشاكل بامتياز ...
كان في كتيير مشاكل تقنية .... وما كان في تنسيق بالمرة ... و المراكز دايم دوم محجوزة أو مشغولة ... و الوظائف بنبعتها أكتر من عشر مرات و ما بتوصل
لكن في هذا الفصل
الوظائف أصبحت ترسل و حصرياً على AMS وما أدراك ما AMS
لم يحدث ولا خطأ تقني و طبعاً غير الأخطاء التقنية اللي بتصير مع الدكتور اللي عم يدرس لأول مرة و بالأخص للاقتصاد .....
لأن هذه الدفعة "الدفعة الأولى " و أغلب الدكاترة المحاضرين أيضاً يحاضرون عن بعد لأول مرة .....
التنسيق أكتر من رهيب بين المنسقة و الطلاب ...
بالمختصر هذا الفصل لا يقارن مع سابقه ...
وإن دل على شيء ...
يدل على التطور الملحوظ بالجامعة ...
الله يعطيهم ألف عافية
يا سيدي في طلاااب كتااار كانوا !
إي كانوا مسجلين بجامعات حكومية وتركوها وما سألوا عليها كماان وما ندموا أبدااا على اختيارون
مع أطيب تحية
[color=green][color=blue]
ما بعرف إذا حدا بيعرف منكون أنو أكبر دليل على أنو الجامعة الافتراضية كل مانا لورا و عم تتراجع بشكل كبير
هوي ترتيب الجامعة على مستوى الشرق الأوسط اللي بحدود 92 من شي 3 سنوات أما هلئ فترتيبها مو موجود بالأصل أو يمكن مو داخلة بالمنافسة
يمكن ترتيبها هلئ 240 على مستوى الشرق الأوسط
هادا أكبر دليل على هالشي
و لاحكي مو من عندي أنا جبتو من مصادر موثوقة
هوي ترتيب الجامعة على مستوى الشرق الأوسط اللي بحدود 92 من شي 3 سنوات أما هلئ فترتيبها مو موجود بالأصل أو يمكن مو داخلة بالمنافسة
يمكن ترتيبها هلئ 240 على مستوى الشرق الأوسط
اذا كلامك صحيح فاسمحلي قلك وخبرك انو ما رجع ترتيب الجامعة بالشرق الاوسط لورا غير الموضيع الي من هالشكل والي اصلا ما بتسبب الا السمعة السيئة للجامعة
كل جامعات العالم ما عدا سورية في عندون قسم شكاوى الطلاب و بكون منفصل عن قسم شؤون الطلاب و بشوفو مشاكل الطلاب و بحلوها مو متل عنا
مين قللك هالشي والله الجامعات بسوريا كلها فيها مشاكل و نحنا نحمد الله
مبارحه أبن عمتي بجامعه الأقتصاد بحلب ضاعت ورقه فحصو و أخد صفر !!!!!
أنا سنه ثانيه فصل ثاني و ما صار معي لهلأ ولا مشكله و لا حتى أي طالب من رفقاتي ال عددهم فوق ال 20 صار معهم مشاكل !!!
يمكن تصدف مع 10 صار معهم مشاكل بس ما معقول يخربوا أسم الجامعه منشانهم !!!!
بدك جامعه كامله مستحيل تلاقي هيك جامعه مو بس بسوريا بالشرق الأوسط كله و أول جامعه بالشرق الأوسط هيه الجامعه الأميركيه باللبنان أسأل أذا عندك حدا هنيك على المشاكل اللي فيها
يمكن تصدف مع 10 صار معهم مشاكل بس ما معقول يخربوا أسم الجامعه منشانهم !!!!
بدك جامعه كامله مستحيل تلاقي هيك جامعه مو بس بسوريا بالشرق الأوسط كله و أول جامعه بالشرق الأوسط هيه الجامعه الأميركيه باللبنان أسأل أذا عندك حدا هنيك على المشاكل اللي فيها
هادا هوي ترتيب أول عشر جامعات بالشرق الأوسط حبيبي Rafee :
1 ترتيب الشرق الأوسط ترتيب العالم KING FAHD UNIVERSITY OF PETROLEUM & MINERALS 637 اسم الجامعة
---------------------------------------------------------------------------------------------------------------------------------------
2 UNIVERSITY OF TEHRAN 1,045
---------------------------------------------------------------------------------------------------------------------------------------
3 AMERICAN UNIVERSITY OF BEIRUT 1,382
---------------------------------------------------------------------------------------------------------------------------------------
أو ل جامعة جامعة الملك فهد للنفط و المعادن بالسعودية تاني جامعة جامعة طهران بإيران تالت جامعة هي الجامعة الأمريكية في بيروت
و مشان تكون بالصورة أنا معنى كلامي في تعليقاتي السابقة ليس هو مشاكل الطلاب بالتحديد و لكن مشاكل الطلاب تلعب دوراً في ذلك و لكنني كنت أقصد عن الجامعة بشكل عام
طبعاً منهاج الجامعة و طريقة إعطاء المحاضرات و الخدمات التي تقدمها الجامعة للطلاب ومستوى المدرسين و أمور كثيرة غيرها
انا برايي يا شباب الحق على الطلاب مو على الجامعة اي جامعة ب العالم فيها مشاكل اكيد لازم يصير هيك ما في جامعة كاملة مكملة في جامعات متكاملة قصدي الاخطاء فيها شبه معدومة متل جامعة هارفلد والكمبيريج وبريتش كولومبيا والسوربون فيها مشاكل بس قليلة و الجامعة الافتراضية اكيد لازم يصير فيها مشاكل هيدا واقع وطبيعة الجامعات هيك وبدكو تتحملو الواقع واكيد راح تنحل انشا الله معظم المشاكل وبنحلم تصير الجامعة الافتراضية متكاملة
لازم يكون في اخطاء تقنية لانو الجامعة ببدايتها يعني بلشت بسنة 2005 مشكلة الشعب السوري دائما مستعجل وبدو الحل السريغ ما بيصير يا شباب الشغلة بدها صبر نحن لا بامريكا ولا ببريطانيا ولا بفرنسا ولا بسويسرا نحن بسوريا
وانتو باعرفو شو قصدي بسوريا
تقبلو تحياتي
knight
نرسل عشرات وعشرات الايميلات لاحد الموظفين طبعا لامر هام جدا ولا احد يتنازل ويتكرم ويقوم بالرد ... وهي شو... جامعة افتراضية .....افتراضية !!!
جامعة بدون كتب ما رايكم بجامعة بدون اي كتب يارعاكم الله !!!!
لاوقال شو المادة فهمية مو حفظية وبتجي على الفحص بتلاقي الأسئلة مو بس حفظية بل بصمية ياحبيبي على هل الشغلة
المادة الواحدة في الhnd تحتاج لشهرين لتنتهي علما ان هذه المادة تحتاج ليومين لحفظها فما رايكم يا رعاكم الله !!!
الدوام ساعة ونصف في الاسبوع ما رايكم بجامعة دوامها ساعة ونصف في الاسبوع
و كمان عدم الصدق أنا أول ماسجلت كان في دراسة بالعربي وإلأنكليزي وهذا الشيء إختياري هلق إجباري الإنكليزي قلنى ماشي الحال بعدين رفعو معدل النجاح وغيرو نظام الأسئلة يعني حولوها لأتمتة طيب إذا بدو يرتفع لازم يطبق على الطلاب الجدد فقط...وياريت معدل النجاح 50% من المجموع الكامل للمادة بمعنى أخر مافيني أجمع علامةالفحص مع المشروع بحاسبوك كل وحدة لحال
كل ما قرأت هالسؤال...لسان حالي يجيب: "واقع بيبكي"
اكيد مارح يرد حدا لأنو عم تبعت 10 و20 ايميل فالايميل تبع هالموظف رح ينتخم وما رح يقدر يرد عليك ولا على غيرك من الي عم يبعتو شي 1000 ايميل مشان شغلة ما بتستاهل هالكم الكبير من الايميلات
اسمحلي قلك انو الجامعة فيها كتب ومجانية كمان مشان ما تزعل
المادة الواحدة في الhnd تحتاج لشهرين لتنتهي علما ان هذه المادة تحتاج ليومين لحفظها فما رايكم يا رعاكم الله !!!
مابعرف بالنسبة لهالكلام شو القصة لأنو الفرع غير فرع والحمدلله
الدوام ساعة ونصف في الاسبوع ما رايكم بجامعة دوامها ساعة ونصف في الاسبوع
بظن لما سجلت بالجامعة قالولك انو الدوام مو الزامي واصلاً شعار الجامعة هو القدرة على العلم والعمل في آن معاً ياترى انت عم تشتغل شي ؟؟
والقدرة على العلم في أي مكان وأي زمان
يعني انت بنص الليل وقاعد ببيتك بتقدر تشغل محاضرة وتحضرها نظامي غي ركللللللللللللل الجامعات
وبالنسبة لكلامك الاخير عن نسبة النجاح فبظن انو كل العالم بتعرف انو كل الجامعات تحتاج في موادها الى 60 بالمية حتى ينجح الطالب بمادتو
اصلاً المفروض يكون المعدل تقييم بالأحرف الانكليزية يعني A B C D
مابعرف اذا سمعان بهالنظام أو لا
وبالنهاية يا جماعة صدقوني انتو عايشين بألف نعمة بالجامعة الافتراضية
انا ماعم دافع عن الجامعة ضد الطلاب لا سمح الله
وانما عم دافع عن الحق ضد الباطل
سلام
أنا يا شاب وقت سجلت بالجامعة الافتراضية قالولي انو الدوام مو اجباري فقلت هادا هوي المطلوب لأنو أنا بشتغل بشركة سورية و الكل بيعرف الشركات السورية شلون بتعامل الموظفين و بتعطيهون مميزات خرافية والوضع كلو تمام التمام
المهم أقل من شهرين قام طلع قرار انو الدوام صار اجباري بنسبة 25% فتذكرت بالفعل شعار الجامعة الافتراضية الغراء ANY WHERE, ANY TIME أي مكان و أي زمان بالفعل هيك جامعة بدا هيك شعار , طيب الشباب اللي طالعوا هالقرار ما فكروا انو وقت قرروا موضوع الدوام انو لازم يغيروا الشعار مشان يكون مناسب لوضع الجامعة . يعني لازم يصير الشعار ANY WHERE, ANY TIME 25% ONLY
و بحب اقتبس من كلام السيد عسل بشهدو ((((( بظن لما سجلت بالجامعة قالولك انو الدوام مو الزامي واصلاً شعار الجامعة هو القدرة على العلم والعمل في آن معاً ياترى انت عم تشتغل شي ؟؟
والقدرة على العلم في أي مكان وأي زمان يعني انت بنص الليل وقاعد ببيتك بتقدر تشغل محاضرة وتحضرها نظامي غي ركللللللللللللل الجامعات )))))
و بالنسبة لموضوع الايميلات اللي بيبعتوها الطلاب للجامعة هاد الموضوع أعاني منه أنا و زملائي بالـ BIT كثيراً و أخص بالذكر منسقات المواد و قسم الدعم الفني و الـديليفري و بعض الاساتذة أيضاً مع العلم انو هاد الفصل لهلئ ما في غير استاذ واحد بعتلنا دعوة لحضور المحاضرة مرة واحدة فقط أما البقية فما بيعرفوا شلون بيبعتوا الدعوة للطلاب و في كمان أساتذة وقت بيبعتوا الوظيفة للطلاب بتوصل لشوية طلاب بس و الطلاب البقية ما بتوصلون و كتير شغلات و قسم الدعم الفني ببعتلون ايميل بيردوا عليه بعد شي ستة أو سبعة أيام هاد إذا كان ما ف5ي مشاكل بالسيرفرات و الأجهزة تبع الشباب و آآآآآآآآآآآآآآآآآآآآآآآآآآآآآآآآآآآآآآآآخ على هالجامعة آخر جامعة توقعت تكون هيك .
أنا عندي كتير حكي بس مليت و مو جايي على بالي كمل لأنو الحكي بطول كتييييييييييييييييييييييييييييييييييييييييير
أحلى تحية للسيدSVU_Student ** virusxx
أنا بستغرب من عسل بشهدو شلون بيحكي هالحكي أنا بتوقع أنو موظف بالجامعة أو بيقرب شي مسؤؤل بالجامعة أو ما بعرف عم أمزح و تحية للسيد عسل بشهدو
شو ياعسل بشهدو
انت الجامعة موكلتك محامي عنها اما شو
هههههه وقال شو هو عم يدافع عن الحق ضد الباطل
حسيت حالي بهل الكلام كاني عم تابع غلاندايزر
انت الجامعة موكلتك محامي عنها اما شو
هي وجهات نظر لا أكثر ولا أقل بعدين أنت الجامعه موكلتك مشوه سمعه
أذا كل هالقد شايف الوضع سيء ليش مستمر فيها !!!!
جامعه عمرها لا يتجاوز ال 4 سنوات شو بدك تكون تحتل المرتبه الأولى !!! ولا عم تقارنها بكامبردج و جامعات أميركا
بالنسبه لجامعه سوريه عمرها 4 سنوات الوضع في أفضل حال
جامعة بدون كتب ما رايكم بجامعة بدون اي كتب يارعاكم الله !!!!
شلون ما في كتب !!! طيب و ال pdf شو بتسميهم ؟!
الدوام ساعة ونصف في الاسبوع ما رايكم بجامعة دوامها ساعة ونصف في الاسبوع
هي أول مره بسمعها ما بعرف أنت شو فرعك بس أنا دوامي أكثر من 9 ساعات بالأسبوع
وانما عم دافع عن الحق ضد الباطل
سلام
برجع بكرر كلامي بالرد السابق
واتأكدوا أنو انتو هلأ معمي على قلبكن من الصدمة ولسا مو داخلين بجو الجامعة منيح
والشي الي صايبكن صابني قبلكن
وعلى كل حال فيك تقول انو عم دافع عن الجامعة لأنو هي جامعتي وهالحكي الي عم تحكيه انت وياه ما بدي اذكر اسماء
بيضر بجامعتي وهالشي لا لمصلحتي ولا لمصلحتك وبكرة بتشوف وبتعرف شو قصدي بكلامي
كلام رافي 100% وانا متأكد انو هو الوحيد الي فهم وجهة نظري
وبصراحة انتو شعب سوري بيموت بالنقد وأنا منكن
سلام
والله ما بعرف شو رد او احكي ... يعني يلي مو عاجبون الوضع معون حئ ويلي عم يدافعو عن الجامعة معون حئ كمان ... يعني بالنهاية اكيد بتهمنا سمعة جامعتنا وئت نتخرج
بس ياريت نلاحظ من الادارة أي شي يظهرلنا بوادر التقدم والتطور بهالجامعة... يعني من سنتين لهلا ما شفت شي اتغير بالعكس المشاكل عم تزيد ... وغير هيك انو في زيادة تعتبر هائلة بأعداد الطلاب بدون اي دراسة مسبقة لموضوع القدرة الاستييعابية ل هالجامعة... يعني كلنا بنعرف انو تحضر محاضرة من البيت مستحيل ... يعني الاغلبية رح تتوجه للمراكز ... والمراكز بصراحة مو مخدمة بشكل جيد ابدا .
وطبعا في كتير ئصص ومشاكل
يعني انا سدئوني مو مع انو نحنا ننزع او نشوه سمعة الجامعة ... بس كمان ياريت يعملو اي شي منيح ئبل ما نتخرج
الجامعة ممتازة من حيث الانتاج والعمر وهي من الجامعات القلائل يلي عم فكروا يتحسنوا
يعني انا الي سنتين بالجامعة وبنظري الجامعة عم تشتغل بشكل جيد قامت بكتير تغيرات جيدة
وما منكر انها عالجة مشاكل كتير كنا نصادفها بالامتحانات وبالايملات قاموا بزيادة حجم الاميلات لكل الطلاب
وتجديد الموقع
يعني في كتير اشياء جيدة عملتها الجامعة ولازم ما ننكرها ابدا
اخيرا الجامعة الافتراضية عم تقوم بالتغير بس هذا الوضع بدوا وقت وصبر ونحن مع الجامعة لاخر وقت لانها جامعتنا وسمعتنا يتكون على اساسها
يا شباب السنة الماضية ب شهر 8 كنا معطلين
لا ما بظن كلامك دقيق لأنو بشهر 9 كان كله فحوص عنا ... يعني في تأخير فقط بضعه أيام
يعني الجامعة صرلها 7 سنين و انا بدي من كل طالب صرلو اكتر من سنتين هو يلي يقيم هل الحكي مو طالب جديد صرلو فصل واحد
الجامعه صرلها 5 سنين و انا سنه تانيه فصل تاني و في تقدم كبير من أول ما فتحت الجامعه لهلأ
مافي اي تقدم غير بعدد الطلاب مو اكتر
كلامك مو منطقي يعني انت عم تحكي عن حالات شاذة اي و انا شو ذنبي اذا بعتت اميل واحد و ما ردو
بعدين يلي بدو يرفع شعارات بدو يكون ادها مو حكي على الفاضي
يعني على طول بقولو بعتولنا اميلات بالمشاكل و لا تتصلو
اكيد لما يكون في 1000 طالب و منسقة وحدة مارح تقدر تلحق هي المشكلة
سمحلي ئلك ان في طلاب كانو بجامعة دمشق و بالهندسة المعلوماتية و تركو
و انا طلعلي معهد هندسة معلوماتية بجامعة دمشق و ليكني سجلت هون من البرنامج الكامل
و اذا بدك بعطيك اسماء
يمكن تصدف مع 10 صار معهم مشاكل بس ما معقول يخربوا أسم الجامعه منشانهم !!!!
ليش ضروري يصير اخطاء مع الكل لحتى نقول عنها مو منيحة
90% من الاخطاء اهمال + روتين
ملخص الجامعة الافتراضية مكملة للدخل ل غالبية الدكاترة و مشان هيك ما بردو على الاميلات لان مو فاضين اصلا
كتر خيرهون و الله فضلو علينا
الله يخلينا ياهون لك عم يعطونا كتب ببلاش
------------------------------------
الجامعة من ناحية الخدمات سيئة لان قطاع عام و بالتالي الروتين لا يتوافق مع البية الالكترونية و التطورية للجامعة
اكيد القرارات بالمؤسسات الحكومية الكل بيعرف شو يعني بس كمان ان هل الحكي يكون على جامعة و طلاب حرام
طبعا في ضعف بكتير شغلات و حرام تكون هيك و الطلاب كلهون ذكروها و نحنا هون طلاب بين بعضنا و ما اعتقد ان في مين عم يستنا لحتى نشوف شو بدنا نكتب و يروح يحكي علينا
فياريت يكون الحكي منطقي و ما يكون مشاعر و احاسيس و كلام فاضي
في كتير شعارات استغنت عنها الجامعة و في تراجع كتير بالجامعة و لا حدى يقلي لاء و السبب زيادة الرهيبة في عدد الطلاب و التجهيزات و الكودار متل ما هية
يا شباب ياريت يكون النقد على الجامعة نقد بناء وليس نقد عشوائي وتشويه صورة الجامعة
الله يخلينا ياهون لك عم يعطونا كتب ببلاش
شو بدك اكتر من هيك نقد بناء يا الباشا؟؟؟
السلام عليكم ..
بصراحة وبالأخير الجامعة الافتراضية احسن من غيرها بكتير وبكفي طريقة التدريس فيها يلي بتحط اكبر جامعة تقليدية بجيبها يعني ثبت انو المعلومات يلي عم يجنيها الطالب اكبر بكتير من اي جامعة تانية وهالشي بعتقد من طبيعة المنهاج الحديث وطريقة الامتحان يلي بتعتمد على عدم بصم الطالب وانما فهمه للماد بشكل علمي ومنطقي ...بس نحن عم نعاني من كمبيوترات الجامعة القليلة وخاصة بجامعة حلب والمشكلة اننا ماعم نقدر نحضر بالبيت لأنو الصوت بقطش كتير ..يعني لو انو ادارة الجامعة بترصد مبلغ شوي اكبر مشان الحواسب بجامعة حلب ..هالشي بفيد الطلاب كتير وبساعدهن وشكرا
يا اخي انا معك بس نحنا عم نحكي ك مثال عن مشكلة الاهمال بالردود بالاميل يعني نحنا حكينا المشكلة و اكيد حلها معروف شو هو و طبعا لو بطلع بأيدنا شي كنا عطينا حلول
بس عوضك على الله كل المشاكل يلي عم نحكي عليها هل في تحسن ام لا و نحنا عم نعطي صور عن يلي عم يصير و عم نقارن
ليش انت عطيت شي نقد بناء
شغلة تانية و الله صيغة الرد مو حلوة يعني نحنا موضوعنا الحوار بالجامعة اذا في تحسن ام لا و انا ما حكيت على حدى كل حديثنا انتقاد للجامعة في عالم عم دافع و في عالم عم تهاجم و كل مين حر بقرارو
و انا علقت على يلي مكتوب بس بدون ما اطلع مين يلي كاتب التعليق يعني ما اصدي ان استهدف حدى
و كمان انت ما بصير انك تكتب هيك لان انا اذا كنت معصب و شفت تعليقك بدي ارد عليك و بالتالي بدو يتغير موضوع الحوار (الحوار و ليس الشجار) و رح يصير غير حضاري و همجي
يعني كل مين عندو دوافع بيحكيها بس تخلص عندو ما ضروري يهاجم غيرو و يفرض السيطرة بالردود الفزة
نحنا موضوعنا الجامعة و الموضوع بين الطلاب و عم نحكي حقائق مو دعايات ومو احسن من غيرنا ضروري نقيم حالنا بالاسوء
و شكرا
أرجو منكم اغلاق الموضوع
لأنو كل واحد عم يحط كم كلمة و يطلع
موقع الجامعة الافتراضية وموقع طلاب الجامعة الافتراضية يحتآجان لاهتمام في التصميم
وشكراااااااااااا
كتر خيرهون و الله فضلو علينا
الله يخلينا ياهون لك عم يعطونا كتب ببلاش
شو بدك اكتر من هيك نقد بناء يا الباشا؟؟؟
أنا رح قول كلمة وحدة :
بس تعرفوا تتعاملوا مع بعض كطلاب بمنتدى أن شاء الله بصير تحسين بالجامعة.
بس تعرفوا تتعاملوا مع بعض كطلاب بمنتدى أن شاء الله بصير تحسين بالجامعة.
بس تعرفوا تتعاملوا مع بعض كطلاب بمنتدى أن شاء الله بصير تحسين بالجامعة.
حاليا ببكي الحجر
وانشاء الله يتقدموووو
معا معا بتصير والمستقبل مشرق للجامعة
بالتوفيق